* (( درس )) كل نبضهـ في قلبي تقول لك :. أحبك ... L^_^la *

صباااحكم // مساءكم خير

طبعاً دي أووول مرهـ أشرح درس فا أتمنى يكون شرحي وااضح

أول شي الصورهـ إلي راح نستخدمها في الدرس :.

أحفظوها عندكم و بعدين أحفظوها مرتين كيف ؟؟

الصورة الأصليه أنسخوها و أحفظوا الإتنين لأن شغلنا راح يكون ع الصورتين

دحين نفتح الفوتوشوب و نفتح الصورتين من فايل >> أوبين

و راح تنفتح الصورتين بخلفية شفافة لأن القلب إلي أستخدمناه سكراب (( قصاصة ))

في بوكس الليرات راح يكون عندنا تو لير كل واحد فيهم عليه قلب أول لير نخليه زي ما هوا

تاني لير نصغروا شوي من إديت >> فري ترانسفورم

و نسحب اللير 2 و نحطوا فوق اللير 1 و نغير ترتيب بوكس الليرات القلب الكبير فوق و الصغير تحت

و نخلي لير القلب الكبير نشط و نختار أداة الكتابهـ الحرف T و نكتب (( كل نبضهـ في قلبي تقول لك :. أحبك )) بشرط كل الكلمه أسوود و خطها واحد بالمقاس إلي تحبوه و كلمة أحبك غيروا الخط و اللون خلوه بنكي و كبروا مقاس الخط درجه وحده بس بعد درجة العبارة يعني لو كان الكلام مقاسو 24 يصير مقاس أحبك 30

و دحين نجي لخطوة الحركة ننقل للأمج ردي من أيقونة النقل أخر بكس الأدوات و نروح لبكس الأنميشن و لو ما كان ظاهر نظهروا من وندو >> أنميشن

راح ينفتح البوكس و فيلو لير نخلي زمن اللير 0.2 ثانية و نضيف لير جديد بنفس الزمن

دحين نركز شوي نروح ع اللير الأول في بوكس الأنميشن و نخفي العين عن لير القلب الصغير يعني يكون ظاهر بس القلب الكبير و لير الكتابة

و اللير التاني العكس يعني نخفي العين من القلب الكبير و الظاهر راح يكون القلب الصغير و لير الكتابه

و نخلي الحركة فور إيفر و نجربها

و بعدين نحفظ من فايل >> و الخيار العاشر (( حفظ المحسن في )) و نحفظ بصيغة gif

النتيجة :. 

الموضوع فكرة :. لحظات صمت

فكرة الدرس :. L^_^la

الدرس فكرتي و لا أسمح بنقلهـ إلا إذا ذُكر المصدر ...